1100 palestinezë pa strehë, pasi Izraeli u shkatërroi shtëpitë

---

Zyra e OKB-së ka deklaruar se mbi 1100 palestinezë, shumica e të cilëve fëmijë, kanë mbetur pa strehë gjatë vitit 2011, për shkak se Izraeli ua shkatërroi shtëpitë e tyre. Në një raport të titulluar:”Prishja e shtëpive dhe shpërngulja me forcë në Bregun Perëndimor të pushtuar” thuhet se forcat izraelite kanë prishur 622 shtëpi të cilat ishin pronë e palestinezëve, mes tyre shkolla dhe xhamia. Kështu, kemi një rritje prej 42 % të shtëpive të prishura nga ç’ishte një vit më parë.

Sipas raportit, 60 % e këtyre shtëpive ndodheshin në zonat e caktuara për ndërtimin e kolonive herreje. Raporti thekson se shembja e shtëpive dhe shpërngulja me forcë e palestinezëve nga tokat e tyre, lë efekt shumë të rrezikshëm në shëndetin mendor të këtyre njerëzve. Shembja e shtëpive, i privon njerëzit nga burimi kryesor i qetësisë shpirtërore, fizike dhe ekonomike.  /ardhmeriaonline/

---