HRW: LIGJI I GJENOCIDIT NË FRANCË, BURIM SHQETËSIMI

---

Organizata e Monitorimit të të Drejtave të Njeriut (Human Rights Watch), një nga organizatat më të njohura në botë për të drejtat themelore të njeriut deklaroi se pr/ligji që kaloi nga senati francez dhe që parashikon dënimin e atyre që mohojnë tezat armene në lidhje me ngjarjet e vitit 1915 është një zhvillim shqetësuar në aspektin e lirisë së shprehjes.

Në një deklaratë lidhur me pr/ligjin e miratuar në parlamentin francez, Organizata bëri të ditur se vendimin e parlamentit francez e ka kritikuar edhe zyrtari i lartë i Organizatës, Philippe Bolopian, i cili është shtetas francez.

Bolopian tha se mendojnë që ky vendim i parlamentit francez shkel lirinë e të shprehurit, pikërisht si siç mendojnë edhe historianët që duhet të kenë të drejtën të mbrojnë ë kundërtën e tezës zyrtare në Turqi.

-Ne mbrojmë idenë që njerëzit në çdo vend të botës, përfshi këtu edhe Francen, duhet të kenë dhe gëzojnë të drejtën të shprehin lirshëm mendimet e tyre, pa qenë të shqetësuar se do të mund të dënohen për shkak të kësaj, u shpreh Bolopian, dhe në këtë kontekst e cilësoi si shqetësues iniciativën e Francës për të ndëshkuar mendimet dhe tezat e padëshirueshme me anë të nxjerrjes së ligjeve.

-Liria e shprehjes mund të kufizohet vetëm në rastet kur ajo shkakton dhunë, urrejtje dhe diskriminim. Ndërsa në Francë nuk kemi asnjërin prej këtyre kushteve,- nënvizoi Bolopian.

Zyrtari i Organizatës së Monitorimit të të Drejtave të Njeriut (HRW), Bolopian, shtoi se nxjerrja e ligjeve të tilla në parlamentet në vendet me shoqëri demokratike si Franca, përbën një shqetësim të madh për Organizatën. /trtshqip/ 

---